Connect with us

Sports

മെസിയുടെ പിൻമുറക്കാർക്ക് ആ വമ്പൻ നേട്ടം സ്വന്തമാക്കാൻ സാധിച്ചില്ല; പൊരുതിക്കളിച്ചു, ഒടുവിൽ ഷൂട്ടൗട്ടിൽ തോൽവി

Published

on

അണ്ടർ 17 ലോകകപ്പിൻെറ ((Under 17 Football World Cup) സെമിഫൈനലിൽ കാലിടറി വീണ് ലയണൽ മെസിയുടെ (Lionel Messi) പിൻമുറക്കാർ. പെനാൽറ്റി ഷൂട്ടൌട്ടിൽ ജർമനിയോടാണ് അർജൻറീന (Argentina vs Germany) പരാജയപ്പെട്ടത്. ഇരുടീമുകളും മൂന്ന് വീതം ഗോളുകക്ഷ നേടി സമനിലയായതിന് ശേഷമാണ് മത്സരം ഷൂട്ടൌട്ടിലേക്ക് നീണ്ടത്.

ഇന്തോനേഷ്യയിൽ നടക്കുന്ന ലോകകപ്പിൻെറ ഫൈനലിൽ ജർമനി ഇനി ഫ്രാൻസ് – മാലി സെമിഫൈനലിലെ വിജയികളെ നേരിടും. അർജനറീനക്കെതിരായ സെമിയിൽ ആദ്യം ഗോളടിച്ച് മുന്നിലെത്തിയത് ജർമനിയാണ്. പാരീസ് ബ്രണ്ണറാണ് 9ാം മിനിറ്റിൽ ടീമിനെ മുന്നിലെത്തിച്ചത്. 36ാം മിനിറ്റിൽ അഗസ്റ്റിൻ റുബർട്ടോ അർജൻറീനക്കായി സമനിലഗോൾ നേടി.

മഞ്ഞപ്പടയിലെ എക്കാലത്തെയും മികച്ച ഏഷ്യൻ താരം

ഈ ഗോളോടെ അർജൻറീനയുടെ 9ാം നമ്പറുകാരനായ റുബർട്ടോ ലോകകപ്പിലെ ടോപ് സ്കോററായി മാറുകയും ചെയ്തു. 9 ഗോളുകളാണ് താരം ടീമിന് വേണ്ടി അടിച്ചത്. രണ്ടാം പകുതിയുടെ തുടക്കത്തിൽ തന്നെ അർജൻറീനയെ മുന്നിലെത്തിക്കാനും റുബർട്ടോയ്ക്ക് സാധിച്ചു. താരത്തിൻെറ ലോകകപ്പിലെ 10ാം ഗോളായിരുന്നു അത്.

രണ്ടാം പകുതി പുരോഗമിക്കവേ ഗോൾ തിരിച്ചടിക്കാൻ ജർമനി എല്ലാ ശ്രമവും നടത്തിത്തുടങ്ങി. 58ാം മിനിറ്റിലാണ് ബ്രണ്ണർ മത്സരത്തിൽ തൻെറ രണ്ടാം ഗോൾ നേടിയത്. ഇതോടെ മത്സരം 2-2 എന്ന നിലയിൽ സമനിലയിലായി. അർജൻറീനയുടെ പ്രതിരോധ നിര താരം ഫ്ലോറൻറീൻെറ പിഴവിൽ നിന്നാണ് ഈ ഗോൾ വന്നത്.

അ‍ർജൻറീനയിൽ നിന്ന് ഇതാ മെസിയുടെ പിൻഗാമി വരുന്നു, വമ്പൻ ക്ലബ്ബുകളിൽ നിന്ന് ഓഫ‍റുകൾ; ലക്ഷ്യം ബാഴ്സലോണ തന്നെ

അർജൻറീനയുടെ പ്രതിരോധപ്പിഴവ് മൂലം തന്നെയാണ് ജർമനിയുടെ മൂന്നാം ഗോളും വന്നത്. മാക്സ് മോസ്റ്റെഡായിരുന്നു ഗോൾ സ്കോറർ. എന്നാൽ പിന്നീട് അർജൻറീന തിരിച്ചടിക്കാൻ കിണഞ്ഞ് പരിശ്രമിച്ചു. അർജൻറീന നായകൻ ക്ലോഡിയോ എച്ചെവരിയും റുബർട്ടോയും ചേർന്നുള്ള മുന്നേറ്റം ഫൈനൽ വിസിൽ മുഴങ്ങുന്നതിന് മുമ്പ് ടീമിന് മൂന്നാം ഗോൾ സമ്മാനിച്ചു.

ചരിത്രം തിരുത്തി വീണ്ടും ക്രിസ്റ്റ്യാനോ, അൽ നസറിൽ വമ്പൻ റെക്കോഡ്; ഈ നേട്ടത്തിൽ ഒന്നാമൻ തന്നെ
പിന്നീട് മത്സരം ഷൂട്ടൌട്ടിലേക്ക് നീങ്ങുകയായിരുന്നു. ലയണൽ മെസിയുടെ പിൻഗാമിയാവുമെന്ന് കരുതപ്പെടുന്ന എച്ചെവരിക്ക് ഷൂട്ടൌട്ടിൽ ഗോൾ നേടാൻ സാധിക്കാതിരുന്നത് ടീമിനെ പ്രതിസന്ധിയിലാക്കി. എച്ചെവരിക്ക് പുറമെ ഫ്രാങ്കോയ്ക്കും പന്ത് വലയിലെത്തിക്കാൻ സാധിച്ചില്ല. ജർമൻ ഗോൾകീപ്പർ ഇരുവരുടെയും ഷോട്ട് തടുത്തിടുകയായിരുന്നു. ജർമനി ഷൂട്ടൌട്ടിൽ 4 ഗോൾ അടിച്ചപ്പോൾ അർജൻറീനയ്ക്ക് 2 ഗോൾ മാത്രമേ നേടാൻ സാധിച്ചുള്ളൂ.

Read Latest Sports News And Malayalam News

Continue Reading
Click to comment

Leave a Reply

Your email address will not be published. Required fields are marked *